Jafnlaunastefna

Tilgangur og markmið

Markmið jafnlaunastefnunnar er að allt starfsfólk njóti jafnra launa og sömu kjara fyrir sömu eða jafnverðmæt störf óháð kyni eða öðrum ómálefnalegum þáttum.

Jafnlaunastjórnunarkerfið byggir á ÍST 85 staðlinum og er ætlað að tryggja að ákvörðun í launamálum byggi á verðmæti starfa og feli ekki í sér kyndbundinn launamun.

Ábyrgð

Framkvæmdastjóri ber ábyrgð á að jafnlaunastjórnunarkerfi sé til staðar og standist lög um jafna stöðu og jafnan rétt kynjanna nr. 150/2020. Framkvæmdastjórn er ábyrg fyrir innleiðingu, viðhaldi, eftirliti, viðbrögðum og stöðugum umbótum jafnlaunastjórnunarkerfis í samræmi við ÍST 85.

Jafnlaunakerfið nær til alls starfsfólks Fastus og dótturfélaga og er jafnframt launastefna fyrirtækisins.

Skuldbinding

Með stefnu þessari skuldbindur Fastus sig til að:

• innleiða, skjalfesta og viðhalda vottuðu jafnlaunakerfi sem byggist á
  jafnlaunastaðlinum ÍST 85 með tilheyrandi rýni, skjalfestingu og skuldbindingum um stöðugar umbætur, eftirlit og viðbrögð
• fylgja viðeigandi lagalegum kröfum og öðrum kröfum er varða jafnlaunakerfið, þar með talið lögum nr. 150/2020 um jafnan rétt og jafna stöðu kynjanna
• setja skal fram og rýna jafnlaunamarkmið árlega í rýni stjórnenda
• árlega fari fram launagreining, innri úttekt og rýni stjórnenda
• niðurstöður launagreiningar séu kynntar starfsfólki
• Jafnlaunastefnan sé aðgengileg almenningi á vefsíðu félagsins og kynnt öllu starfsfólki Fastus

Endurskoðun

Framkvæmdastjórn endurskoðar stefnu þessa einu sinni á ári